5C spilin eru ætluð til að vekja íþróttafólk, þjálfara og foreldra til umhugsunar um sálræna færni.

Hverju C-i fylgja tólf spil sem ýmist eiga að hjálpa til við að hefja umræður eða leysa verkefni sem tengjast skuldbindingu, samskiptum, einbeitingu, sjálfsstjórn og sjálfstrausti. 

Spilin hafa meðal annars verið notuð í knattspyrnudeild Fylkis, fimleikadeild Ármanns, Afrekssviði Menntaskólans í Kópavogi og Afrekssviði Fjölbrautaskóla Vesturlands.

Hægt er að nota þau við ýmsar aðstæður og á sveigjanlegan hátt. Þannig hafa mismunandi þjálfarar og kennarar fundið upp á nýstárlegum leiðum til að nota þau hjá sínum hópum, til dæmis;

• Þjálfarar hafa notað þau til að brydda á umræðum við leikmenn um C sem þeir eru að vinna í inni á æfingum.
• Foreldrar hafa notað þau til að eiga umræðu við börn sín um sálræna færni og lagt þeim fyrir verkefni.
• Kennarar í framhaldsskólum hafa sett fyrir verkefnatíma og umræðutíma út frá spilunum.

Spilin má panta hjá skrifstofu ÍSÍ og UMFÍ og kosta kr. 1.500 stokkurinn.